એક હતો ભૈરવ,,,,,,,

1981 થી 1995 સુધીમાં ગુજરાતમાં ઘણા જાદુગરોનાના નામ ગાજતા હતા,દરેક જાદુગરો હરીફ હોવા છતાં ભાઈચારો ઉમદા,અને બે નમુન હતો
 પ્રોફે, પી,સી, સરકાર,કે,લાલ, જુનીઅર કે લાલ, ગોંડલ નો વતની મંગલ,તેનો પુત્ર જુનીયર મંગલ,પ્રોફે, રાવ આ બધા તે સમયે ટોચની ખ્યાતી પામેલા હતા
આવી હરીફાઈ વચ્ચે એકાએક એક તરવરીયો, ઉત્સાહી યુવાન જાદુગરોની દુનિયામાં ઓચિંતો ફૂટી નીકળ્યો મૂળ સાવરકુંડલાનાં ઘાંચી પરિવારમાં જન્મેલ આ યુવાન, રાજકોટ ની કોલેજમાંથી ગ્રેજ્યુએટ થઈને નોકરી ની શોધમાં અહીં તહીં ભટકતો હતો ,ઘરની સામાન્ય આર્થિક પરિસ્થિતિને કારણે હોશિયાર હોવા છતાં આગળ અભ્યાસ ન કરવાનો તેને વસવસો હતો
પૂરી છ ફૂટ થી વધુ ઉંચાઈ, વાંકડિયા વાળ,મીલીટરીના ટોચના અધિકારી જેવી ચુસ્ત,મજબુત  શારીરિક બાંધો અને ઘેઘુર અવાજ તે એવો કે તેના બોલ્યા પછી પણ ચાર મિનીટ સુધી તેનો અવાજ હવામાં પડઘાતો
અંતે પોતાની કારકિર્દી જાદુની દુનિયામાં શરુ કરી મુક્કદર અજમાવ્યું અને બેંગાલ યુનીવર્સીટી ની કોલેજ ઓફ મેજીશીયન માં દાખલ થઇ એક જાદુગર તરીકે તે બહાર આવ્યો
મારો મિત્ર હોવા છતાં મને આજસુધી તેના સાચા નામની ખબર નથી,એ મારી નબળાઈ છે,પણ દોસ્ત તરીકે તે ઉમદા મિત્ર હતો
અમારી મુલાકાત 1981,માં ભુજ શહેરમાં થઇ, બસ ત્યારથી 1995 સુધી અમે સંપર્કમાં રહ્યા
ભુજ શહેર, જાદુના પ્રયોગ માટે તેને માટે નવું હતું હું ત્યારે ત્યાં  હું એક્લોજ રહીને બેંકમાં નોકરી કરતો ,
ફ્ફ્ક્ડ  ગિરધારી હોવા કારણે અમારી રાતની બેઠક જામતી,ઘરમાં એકલું પડ્યા રેહવા કરતા તેના જાદુના શો માં જઈને બેસતો રાત્રે લગભગ 1.00 વાગ્યે શો પૂરો થાય,અને તેનું રસોડું શરુ થાય, એમ રાત્રે 2/30, થી 3.00 વાગ્યે સ્ટાફ સાથે બેસીને ભોજન કરે, અને ક્યારેક, તે ભોજન માં હું પણ સામેલ થતો.
પછી તો ભાવનગર, રાજકોટ, વડોદરા,સુરત, વાપી, ઊંજા મહેસાણા,ઉપલેટા, ધોરાજી, એમ દરેક જગ્યાએ પોતાની ચાલાકીના ખેલ થી તે માથું કાઢી ગયો અને જાદુગરોની દુનિયામાં ભૈરવ જાણીતો બની ગયો ,
અમારી દોસ્તી દરમ્યાન હાથ ચાલાકી ના ખેલ ઉપરાંત, સમોહન વિદ્યા અંગે ના તેના જુદા જુદા અનુભવોથી મને ઘણું જાણવા પણ મળ્યું
તેને તો ગામે ગામ ફરવાનું રહેતું, એટલે સતત મુલાકાત કે સંપર્ક ન રહેતો પણ ફોન ઉપર અવારનવાર ખબર મળતા રહેતા આમ હું જયારે ઉપલેટા હતો ત્યારે તેના પ્રયોગો ત્યાં યોજાયા, તે સમયે અમે ફરી ઓચિંતા મળી ગયા તેની એક આદત એવી હતી કે જે ગામ માંથી જેટલું કમાયો હોય, તે બધા ખર્ચા બાદ /ચૂકવ્યા પછી થી વધેલી રકમ નું તે ગામમાંથી સોનું ખરીદી લેતો, તેનું કારણ પૂછતાં તેણે મને કહ્યું કે જેતે ગામ માં દરેક જગ્યાએ સ્થાનિક રસોયા, મંડપ વાળા, અને અન્ય કામદારો રોજમદારી ઉપર રાખવા પડતા હોય ચલણી નોટોના થપ્પા સાચવવા મુશ્કેલ બનતા હોય, તે સોનું ખરીદી લેતો
લગભગ પાંચ, છ વર્ષ પહેલા ચાલુ શો એ તેને હાર્ટ અટેક આવતા તે સ્ટેજ પરજ ઢળી પડ્યો તે સમયે પણ પ્રેક્ષકો ને એમજ થયું કે આ તેનીકલા/ આઇટેમ નો કોઈ ભાગ જ હશે, પરંતુ રોજીંદા સ્ટાફને ખ્યાલ આવી જતા શો પૂરો જાહેર કરીદેવા માં આવ્યો
            સાવરકુંડલા ભાવનગર જીલ્લાનું ગામ, તે સમયે સસ્તું, અને વિકસિત શહેરોમાં અગ્રસ્થાને હતું, પરંતુ ભૈરવને જૂનાગઢનું આકર્ષણ ઘણું હતું, તે જુનાગઢીઓ થી પણ એટલોજ પ્રભાવિત હતો કુદરતી સૌન્દર્ય, દાતાર જેવી સુંદર ધાર્મિક જગ્યા, કે તે તેનું માનીતું ફરવાનું સ્થળ હતું તે કારણે  તેણે  જૂનાગઢમાં જ પોતાનો ફ્લેટ ખરીદ્યો
એક ઉમદા, દિલેર દોસ્ત,તરીકે આજ પણ તે મારા હૃદયસ્થ છે