એલરજી

જે ઉમરે હું એલરજીનો અર્થ, કે સ્પેલિંગ નહોતો જાણતો તે ઉમરથી મને એલરજી શબ્દ વાપરવાની "એલરજી"હતી હા, હું માત્ર એટલું જ સમજતો હતો કે જે વસ્તુ ન આવડતી હોય,
ન ગમતી હોય, ન ભાવતી હોય, કે ન ફાવતી હોય તેને માટે આ ખાસ શબ્દ નું બહાનું ધરી દેવું તે એલરજી.તે સિવાય એલર્જી શું છે, અને કોને કહેવાય તે ખબર ન હતી.
વિદ્યાર્થી કાળમાં અભ્યાસ બાબતે આવી એલર્જી મને ગણિત, અને વિજ્ઞાનના વિષયોની હતી આંકડાની માયાજાળ પ્રત્યે સખત સુગ હતી, અને તેવુજ વિજ્ઞાનમાં હતું
તત્કાલીન મધ્યયુગના સ્વ. લાધાભાઇ માસ્ટર , દીપેન્દ્ર ભાઈ માસ્ટર અને સુમનભાઈ મઝમુદાર જેવા શિક્ષકો થી માંડીને અર્વાચીનયુગના શ્રી ખીરાસાહેબ, વખારિયા સાહેબ,અને એચ જે પંડયા,અને વિજ્ઞાન બાબતે જે બી નાણાવટી સાહેબ અને ધ્રુવકુમાર મઝમુદાર સાહેબો એ ઘણી મથામણ કરી પણ તેઓના જ્ઞાનના તરાપે હું "ગણિત-વિજ્ઞાન સાગર" પાર ન જ કરી શક્યો .યાર, નાટકના સંવાદ ગોખનારને વિજ્ઞાન ના સુત્રો કેમ ગોખવા ફાવે ?
બન્યું એવું કે નવમાં ધોરણના વિજ્ઞાનના અભ્યાસક્રમમાં ભૌતિકશાસ્ત્ર,રસાયણ શાસ્ત્ર,શરીર વિજ્ઞાન, અને આરોગ્ય શાસ્ત્ર તથા થોડું જીવ વિજ્ઞાન ભણવાનું હતું વાર્ષિક પરીક્ષા આવી. વિજ્ઞાનનો પેપર હાથમાં આવ્યો
પેપરમાં સુચનાથી વાંચવાનું શરુ કર્યું જેમાં ખાસ બે સૂચનાઓ હતી
1. જરૂર પડે ત્યાં આકૃતિ દોરો ..2 સ્વચ્છતાના જુદા માર્ક્સ છે.
પ્રશ્ન જાણીતા લાગતા હતા પણ જવાબ કોઈ જાણીતા ન હોતા તેથી સમજાયું તેટલું લખ્યું.વળી, બક નળી, ચંબુ જેવી આકૃતિઓ તો ફાવે જ નહી ? જેને સીધી લીટી દોરતા આજ સુધી ન આવડતી હોય તેણે તેવા અખતરા ન કરાય તેવો જવાબ મારા અંતરાત્મા એ આપ્યો પ્રશ્નપત્રમાં પાંચ માર્કની ટૂંક નોંધ પણ હતી ટૂંક નોંધનો વિષય હતો " અમીબા "બસ, વાંચી ને બંદા રંગમાં આવી ગયા.વિજ્ઞાનના આખા પેપરમાં ક્યાંયે મને આકૃતિની "જરૂર ન લાગી"પણ પાંચ માર્કની ટૂંક નોંધ એક ફુલ પેઈજ તો લખ્યું પણ સરસ મજાની અમીબા ની આકૃતિ દોરી લાલ શ્યાહીથી વચે નિશાની કરી એરો મારી, * પ્રજનન બિંદુ એવી નોંધ પણ લખી અને નીચે લખ્યું,,, "આકૃતિ નં 1"

મારી સાથેના મારા મિત્રોમાંથી ભલે બધાએ કાર્બન ડાયોકસાઇડ અને અન્ય પ્રશ્નોમાં બક- નળી,અને ચંબુ દોર્યા હતા,પણ કોઈએ અમીબાની આકૃતિ દોરી ન હોતી,જાણી મારીછાતી ગર્વથી ફૂલાતી હતી. અન્ય કરતા કૈક જુદા જ દેખાવાની,અને કરવાના મારા સ્વભાવ,અને બચપનની આદતને કારણે મને ગર્વ થયો કે, પરીક્ષક બધા પેપર તપાસતા અમીબાની એક માત્ર આકૃતિ મારા પેપરમાં જોઈને ખુશ થશે.મને ખાતરી થઈ ગઈ કે ચાલો ટૂંક નોંધના પાંચમાર્ક તો આપણા ખિસ્સામાંજ છે,અને અન્ય કોઈઆકૃતિની મને જરૂર ન લાગતા દોરી ન હોવાથી,કોઈ છેક -છાકનો તો સવાલ જ નહોતો? આમ સ્વચ્છતાના માર્કપણ મળીગયેલ જ છે , 

 પરીક્ષાનું પરિણામ આવ્યું, બંદા હરખાતા હરખાતા શાળાએ પહોંચ્યા જે વિષયે મને શાળાકીયવર્ષર્માં સતત ભયભિત રાખ્યો છે,તેમાંતો સવાલ જ નહોતો? ટૂંક નોંધ અને સ્વચ્છતાના માર્ક્સતો મળીજ જશે તેવી ખાતરી હતી ,પરિણામઆવ્યું તો પેપરના આગળનાભાગે લાલ શ્યાહીથી માર્ક્સ લખ્યા હતા 33+2= 35.અને નીચે નોંધપણ હતી " કૃપાગુણથી ઉપલા ધોરણમાંચડાવવામાં આવેલ છે "